 |
||
 |
Erdgas-Cup 2005 |
|
| ||||||
|
Erdgas-Cup Lütisburg 30.April 2005 Bi strahlendem Sonnenschii, händ sich am letschte Samschtig 43 Meitli und Buebe mit erne Leiter uf de Weg noch Lütisburg gmacht.Die Chlinschte scho am Morge am halbi Nüni, sie händ nämli als Erschti törfe starte.Nodisno sind den au die Andere uf em Wettkampfgländ itroffeund und au immer meh Zueschauer händ de Weg gfunde.Zämä iturne, enand mit „HOPP“-Rüefe afüüre und zwüscheddure eifach s’zämä sii gnüsse,dass macht so en Tag zumene glungne Aalass. Bi de verschiedene Wettkampfteil isch den jede uf sich selber gstellt gsi und hätt voller Ehrgiz sini bescht Leischtig törfe zeige. Öb bim Schnelllauf, Wiitsprung ,Ballwerfe oder Kuglestosse, d’Konkurrenz isch gross gsi. Super Leischtige händ den au Alli törfe mit Hei bringe, jede hätt
irgend en Mitstriiter chöne öbertrumpfe und einigi händ sogar eri eigeni
Beschtleischtig chöne toppe! Ganz bsonders Stolz törfed d’Nadine Huber und de Ramon Looser uf eri
Podeschtplätz bi de Chline sii. En Metereinenünzg im Wiitsprung isch wohl för
so en chline Chnopf wie de Ramon e bsonderi Leischtig und d’Nadine (Wiitsprung,
zweimeterachtenünzg) törf dank
erem zweite Platz im Migrossprint sogar au no as Final gege die Beschte go
Springe!För vieli vo de Chline isch es de erscht Wettkampf diesere Art gsi und
i glaub sisch nöd übertriebe z’sägä ,dass Sie alli zämä Grossartigs
gleischtet händ. Bi de Grosse isch den de Adrian Manser ganz z’Oberscht uf em Treppli
gschtande. Achtmeterachzg im Kuglestosse und im Sprint die Zweitschnellscht Ziit
vo de Johrgäng 92, das isch e super Leischtig. Sini Teilnahm am Miggrossprint
und am Final Erdgas-Cup hätt er sich somit
souverän gsicheret. S’hätt aber no meh Meitli und Buebe wo an
Kantonalfinal vom Erdgas-Cup törfed fahre, dass sind d’Anita Looser,
d’Martina Huber,d’Sabrina Walliser,d’Nadine Huber,d’Simone Huber und de
Jan Schneider. An Kantonalfinal törf immer s’erschte Drittel vo de Rangierte
ab de Kategorie M/K7. Wie scho gseit händ alli wiederemol kämpft und voller
Ehrgiz a dem Wettkampf mitgmacht. Mitmache chunt vor em Gwünne und drum
allne wo debii gsi sind -die wo eri Ziil erreicht händ ,aber au dene wos nöd
eso guet glaufe isch,oder dene wo Pech ka händ – er sind Alli zämä super
gsi !! Mer freued üs jetzt scho uf s’nöchscht Mol mit Eu zämä!!! Im Name vom Leiterteam –Herzlichi Gratulation-Astrid |
|
|
